Apache OpenOffice-ren produktuen deskribapena
Beste bulego-suite garrantzitsuenekin bateragarria, Apache OpenOffice askatasun osoz jaitsi, erabili eta banatu ahal da. Jaitsi ezazu orain, eta eskuratu:
- Writer, edozertarako erabili ahal den testu-prozesadorea, gutun laburrak idaztetik liburu osoak prestatzeraino.
- Calc, kalkuluak eta azterketak egiteko eta datuak txosten numerikoz edo grafiko ikusgarriz aurkezteko behar diren baliabide guztiak dituen kalkulu-orri ahaltsua.
- Impress, multimedia aurkezpenak prestatzeko aplikazio arinen eta ahaltsuenetarikoa.
- Draw, edozein marrazketa egiteko balio duen lanabesa, diagrama errazetatik hiru dimentsioko irudi dinamikotaraino.
- Base, taulak, formularioak, kontsultak eta txostenak sortuz eta aldatuz datu-baseak erraztasun osoz maneiatzeko datu-base kudeatzailea; dena Apache OpenOffice-ren barruan lan eginez.
- Math, funtzio matematikoak sortzeko, erabiltzailerentzako interfaze grafikoaz baliatuz edo zuzenean idatziz ekuazio-editorean.
Zergatik Apache OpenOffice?¶
Apache OpenOffice eta kalitatea sinonimoak dira:
- Apache OpenOffice-ren garapena duela hogei urte baino lehenago hasi zen eta produktu ahaltsu eta heldua sortu da.
- Milioi asko erabiltzaile ditu.
- Mundu guztiko iritzi-emaile independenteek gomendatu dute produktua.
- Guztiz irekiak diren garatzeko prozedurekin, Apache OpenOffice-k ez du ezer ezkutatu beharrik, produktuaren ospea bere baliagarritasunean oinarritzen da.
Apache OpenOffice erabilterraza da:
- Softwarea ezaguna ematen du eta berehala erabili ahal du produktu lehiakideren bat erabili duen edonork.
- Erraza da Apache OpenOffice-ra aldatzea - softwareak lehiakide nagusien fitxategi mota guztiak irakurtzen ditu.
- Hizkuntz oztopo gutxi - Dagoeneko ez ba dago erabilgarri zure hizkuntzan, arin egon daiteke.
- Apache OpenOffice bai hasi berriei eta bai adituei laguntzeko prest dauden nazioarteko laguntzaile boluntarioren komunitate batek sostengatzen du.
Apache OpenOffice software jarea da:
- Apache OpenOffice jaitsi ahal da lizentziagatik ezer ordaindu barik.
- Nahi den beste PC-tan jarri ahal da.
- Edozein arlotan erabili ahal da - norberaren etxean, hezkuntzan, gobernu eta herri-administrazioetan, enpresa pribatuetan...
- Emaiezu doako kopiak senideei, lagunei, ikasleei, langileei, eta abarri.
Apache OpenOffice estandarren arabera dago eginda:
- Lehen software-paketea munduan OASIS OpenDocument Format (ISO/IEC 26300) formatua erabiltzen bere berezko fitxategietan.