Zergatik erabili Apache OpenOffice
Zergatik erabili beharko nuke Apache OpenOffice?¶
Apache OpenOffice testu-prozesatzerako, kalkulu-orriak, aurkezpenak eta grafikoak prestatzeko, datu-baseak kudeatzeko eta antzeko atazatarako erabilienetariko kode irekiko bulegoko software-suitea da. Hizkuntza askotan eta ohiko konputagailu guztietan erabili ahal da. Datuak nazioarteko formatu ireki estandar batean gordetzen ditu eta irakurri eta idatzi ahal ditu bulegoko beste ohiko software-paketeen fitxategiak. Ezer ere ordaindu barik eta edozertarako jaitsi eta erabili ahal da.
-
Apache OpenOffice hogei urte baino gehiagoko software-ingeniaritzaren emaitza da. Hasieratik diseinatuta software entitate bakar bat legez, beste produktu batzuek lortu ezin duten koherentzia du. Garatzeko prozesu guztiz irekiarekin, edozeinek ahal du akatsen berri eman, ezaugarri berriak eskatu edo/eta softwarea hobetu. Emaitza: Apache OpenOffice-k egiten du zure bulego-softwareak egitea gura duzun guztia, gura duzun moduan.
-
Apache OpenOffice erabiltzen erraz ikasten da, eta dagoeneko beste bulegoko software-paketea erabiltzen baduzu, zuzenean lortuko duzu berarekin lan egitea. Munduan zehar OpenOffice hizkuntza askotara itzultzen lan egin dutenei esker, seguru asko, zure ama-hizkuntzan erabili ahal izango duzu, eta baita laguntza lortu ere. Eta beste bulego-pakete baten fitxategiak badituzu, ziur aski, OpenOffice oztopo barik haiek irakurtzeko gauza izango da.
-
Onena, Apache OpenOffice jaitsi eta erabili ahal da lizentziagatik ezertxo ere ordaindu barik. Apache Software Fundazioaren software guztia legez, Apache OpenOffice edozeinek erabili ahal du. Apache OpenOffice Apache 2.0 Lizentziapean argitaratzen da. Horrek esan gura du edozein arlotan erabili ahal dela: etxean, enpresatan, hezkuntzan, herri-administraziotan. Gura diren beste konputagailutan jarri ahal da eta bere kopiak nahi den edozeini luza dakizkioke: senideei, lagunei, ikasleei, langileei...