Dissendlistoj

Ĉi tiu paĝo enhavas informon pri la dissendlistoj por la esperanta OpenOffice.org.

Kiel ili funkcias?

Se vi sendas mesaĝon al listo, ĝi estos plusendita al la abonantoj de tiu listo. Kompreneble vi devus aboni al la listo, por ke vi ricevu la reagojn al viaj demandoj. Vi povas aranĝi tion per la ligoj en la suba kadro.

Kial ekzistas la dissendlistoj?

• La dissendlisto "uzuloj@eo.openoffice.org" celas al diskutoj pri la esperanta projekto kaj temoj pri OpenOffice.org, kiuj interesas esperanto-parolantojn. Se vi ne certas, kiun liston vi devus uzi, uzu ĉi tiun.
• Ĉi tiun retpoŝtan liston vi povas utiligi por demandi, kaj por respondi, pri la uzado de la programaro OpenOffice.org. Se vi havas bonan sugeston, sendu ĝin al la listo. Ni povas kunmeti ilin en paĝo pri sugestoj.

Por tio, kaj por aliaj anglalingvaj diskutaj listoj, klaku sur "Mailing lists" maldekstre.

Esperantlingvaj retpoŝtaj listoj
Listo	Aboni	Malaboni	Serĉi arĥivon	Trafoliumi arĥivon
uzuloj@eo.openoffice.org Jen la loko por diskutoj pri OpenOffice.org en la esperanta subprojekto.	Normala	Normala	Serĉi	Foliumi

Pliaj sugestoj pri la retpoŝtaj listoj

Bonvole abonu al la dissendlisto auntaŭ ol sendi mesaĝojn al ĝi.

Verku apartajn mesaĝojn por nerilataj demandoj. Klare priskribu la temon de via demando en la kampo "Subject" (temo) de via retpoŝtilo.

La liston oni "postkontrolas". Tio signifas ke ĉiuj abonantoj rekte ricevas ĉiujn mesaĝojn senditajn al ĝi, sen filtrado. Sekvu la ligon Retiketo por diskuto pri konduto.

Vi povas grupigi mesaĝojn el diversaj retpoŝtaj listoj per mesaĝfiltriloj. Tion subtenas la plejmulto da retpostaj programoj.