![]() | ||
![]() |
Nola inprima dezaket kalkulu-orria egokiro?
Oro har, hauxe da kalkulu-orri luzeak inprimatzeko modurik onena: lehenik inprimatzeko aurrebista ikustea komeni da, eta gero inprimatze-ezarpenak doitu nahi duzun emaitza lortu arte. Ondoko prozedura laburrek kalkulu-orriak inprimatzeko aukera nagusiak azalduko dituzte:
Kalkulu-orriaren aurrebista:
Kalkulu-orria irekita duzula, hautatu: Fitxategia - Orrialdearen aurrebista
Agertuko den leihoan, erabili nabigatzailearen botoiak kalkulu-orria ikusteko. Kalkulu-orria zabalegia bada orrialde bakarrean inprimatzeko, sartzen ez diren zutabeak ondorengo orrialdeetan agertuko dira.
Itxi Aurrebistaren leihoa. Horretarako, egin klik tresna-barrako nabigatzaile-botoien eskuineko 'Itxi' botoian.
Doitu inprimatze-ezarpenak, eta joan berriz Aurrebistara
Oharra: Komando honen bidez, inprimatu nahi dituzun datuen orrialde-zenbakiak eta orrialde-kopuru osoa ikusi ahal izango dituzu. Erosoa da aukera hori, kalkulu-orriaren zati bat besterik ez baduzu inprimatu nahi.
Ezarri orrialde-orientazioa Horizontalean/Bertikalean:
Kalkulu-orria irekita duzula, hautatu: Formatua - Orrialdea
Agertzen zaizun elkarrizketa-koadroan, hautatu 'Orrialdea' fitxa.
'Paper-formatua' arean, hautatu orientazio Horizontala edo Bertikala
Sakatu 'Ados'
Zuzenean ikusiz, doitu orrialdean agertzen dena:
Kalkulu-orria irekita duzula, hautatu: Ikusi - Orrialde-jauziaren aurrebista
Kokatu kurtsorea orrialdearen ertz-marren (urdinak) gainean, eta doitu orrialde-mugak nahi bezala.
Ikuspegi hori ezkutatzeko, hautatu: Ikusi - Orrialde-jauziaren aurrebista
Oharra: Komando honen bidez, inprimatu beharreko datuak zein orri-zenbaki duen ikusi ahal izango duzu. Horrez gain, 'Area' aukera erabil daiteke inprimatzean.
Oharra: Dena grisez agertzen bada, horrek esan nahi du ez dagoela ezer zehaztuta inprimatzeko. Inprimatze-area zehaztuta badago, atzeko plano zuriz eta orrialde-muga urdinez ikusiko da. 'N orrialdea' grisez agertuko da (Orri horretako zenbatgarren orrialdea den adierazten du 'N' zenbakiak) inprimatze-arearen erdian. Inprimatzeko arearik ez bada definitu, jarraitu beheko "Inprimatze-area definitzeko" argibideak.
Inprimatze-area definitzeko:
Ondoko prozeduraren bidez, inprimatuko den arearen ezarpenak egingo dituzu:Joan zaitez inprimatu nahi duzun orrira
Egin klik eta arrastatu inprimatu beharreko orri-area hautatzeko
Sakatuta mantendu saguaren eskuineko botoia (laster-menua irekitzeko), eta hautatu 'Gehitu inprimatze-area'
Kalkulu-orriko orri bakoitza inprimatzeko, errepikatu goiko urratsak.
Egokitu kalkulu-orriko eskala, orrialdean sartzeko:
Kalkulu-orria irekita duzula, hautatu: Formatua - Orrialdea
Agertzen zaizun elkarrizketa-koadroan, hautatu 'Orria' fitxa.
Elkarrizketa-koadroaren behealdean, 'Eskala' kontrola dago.
Kontu egin 'Dena [%]' botoia hautatuta dagoela
Sar ezazu zure ustez datuak orrialdean sartzeko egokia den balioa (eskuarki ehuneko txikiagoa)
Sakatu 'Ados'
Aukeratu inprimatzeko aurrebista (argibideak goian), inprimatuko duzunaren aurrebista ikusteko.
Kalkulu orria gehienez zenbat orrialdetan inprimatu nahi duzun zehazteko:
Kalkulu-orria irekita duzula, hautatu: Formatua - Orrialdea
Agertzen zaizun elkarrizketa-koadroan, hautatu 'Orria' fitxa.
Elkarrizketa-koadroaren behealdean, 'Eskala' kontrola dago.
Egin klik 'Geh. orrialde-kop' kontrol-laukian.
Sar ezazu nahi duzun orrialde-kopurua
Sakatu 'Ados'
Aukeratu inprimatzeko aurrebista (argibideak goian), inprimatuko duzunaren aurrebista ikusteko.
Kalkulu-orriaren zati bat besterik ez inprimatzeko (errenkada-area edo zutabe-area):
Hauta itzazu inprimatu beharreko errenkadak edo zutabeak
Hautatu: Fitxategia - Inprimatu
Agertuko den inprimatzeko elkarrizketa-koadroan, hautatu behean ezkerraldean dagoen 'Hautapena' aukera.
Sakatu 'Ados'
Oharra: hautatutako datu-area inprimatzeko, inprimatzeko eskala ere erabili daiteke. Haututako datuak ez badira sartzen nahi duzun orrialde-kopuruan, doitu Eskala, goiko eskala-prozeduraren bat (eskala ehunekotan edo gehieneko orrialde-kopurua) erabiliz
Inprimatu beharreko zutabeak birdefinitzeko (zutabe batzuk inprimatzen ari zarenean eta beste ezarpen bat nahi duzunean soilik erabili behar duzu aukera hau):
Kalkulu-orria irekita duzula, hautatu: Formatua Inprimatze-areak - Editatu
Inprimatzeko elkarrizketa-koadroan begiratu 'Inprimatze-area' koadroari. Seguru aski, 'erabiltzaileak definitua' egongo ezarrita, eta gelaxka-area bat erakutsiko du.
Egokitu gelaxka-definizioa edo- hautatu 'Bat ere ez' (garbitzeko)
Sakatu 'Ados'
Ezarpenak garbitu badira, erabili goian azaldutako bideetakoren bat inprimatze-parametroak ezartzeko
Kalkulu-orria paperaren erdian inprimatzeko:
Kalkulu-orria irekita duzula, hautatu: Formatua - Orrialdea
Agertzen zaizun elkarrizketa-koadroan, hautatu 'Orrialdea' fitxa.
'Orientazioa' koadroan, hautatu edo desautatu 'Bertikala' edo 'Horizontala' . 'Aurrebista' koadroan ikusi ahal izango duzu kalkulu-orriaren kokapena paperean
Sakatu 'Ados'
|