Nola hauta dezaket kalkulu-orriko errenkada bat (edo multzo bat), inprimatzean orrialde guztietan errepika dadin?

Jarraitu ondorengo urratsei:

• Ireki OpenOffice.org-eko kalkulu-orria

• Hautatu errepikatu beharreko errenkada edo errenkadak

• Hautatu Txertatu - Izenak - Definitu goitibeherako menuetan

• Agertuko den elkarrizketa-koadroan, jar iezaiozu izena egindako hautapenari; esate baterako 'Nire_Izenburua'

• Sakatu 'Gehiago>>'

• Egin klik 'Errepikatu errenkada' kontrol-laukian

• Sakatu Gehitu

• Sakatu 'Ados'

• Menuan, hautatu Formatua - Inprimatze-areak - Editatu

• 'Errepikatu beharreko errenkada' zerrendan, hautatu 'Nire_Izenburua' (edo arestian errenkadei eman diezun izena)

• Sakatu 'Ados'

Inprimatzean, izenburu-errenkada errepikatu egingo da orrialde bakoitzean. Ez duzu aldaketarik antzemango kalkulu-orriaren itxuran. Inprimatu aurretik orrialdeen aurrebista ikusteko, erabili Fitxategia Orrialdearen aurrebista komandoa. Kontuan izan izendatze-urratsa salta dezakezula - 'Errepikatu beharreko errenkadak' arearen bidez, errenkada-zehaztapena txerta dezakezu '$1:$3' sintaxia erabilita (errepikatu 1-3 errenkadak).