OpenOffice.org par furlan

I pas dal progjet

Il progjet OpenOffice par furlan al è un progjet ambiziôs e impuartant e par chest la publicazions dai diviers prodots al sarà fat un pas a la volte. Si à pensât di dâ un ordin di prioritât ai diviers editôrs e duncje cul timp si varà a disposizion il pacut logjic complet, daûr di chest ordin:

1. Writer: Un processôr di tescj (dal inglês word processor) al è un program che al permet di creâ e modificâ tescj. Al è diviers di un editôr di test parcè che al permet l'ûs de formatazion (test in grasset, in corsîf, sot liniât), caratars di dimensions diviersis e l'ûs di font. Al è duncje une version semplificade di un desktop publishing.
   
   
2. Math: Un gjestôr di sfueis di calcul (clamât ancje sfuei eletronic o spreadsheet) al è un program di produtivitât personâl che al permet di meti dentri i dâts intune gridele bidimensionâl di celis. Lis celis a son metudis adun in riis e colonis numeradis, in gjenar lis colonis a son segnadis cu lis letaris dal alfabet e lis riis cui numars. La cele in alt a çampe e varà la coordenade A1, che dongje a drete B1 e vie indevant. Lis celis de rie sot a varan coordenadis A2, B2 e vie indenant. In ogni cele si pues meti dentri dâts alfanumerics o formulis che a puedin doprâ come parametris il contignût des celis.
   
   
3. Impress: Un editôr par presentazions e diapositivis. Midiant de gjestion di parts testuâls e imagjins, al è pussibil realizâ documents di presentazion.
   
   

« Presentazion dal progjet